ريفيو : جل لآينير من مايبلين وشدو كريمي من ماكس فاكتر ~

أهلين بنات .. 

راح اقولكم ان التدوينة حقت اليوم عن "ريفيو جل لآينير من مايبلين وشدو كريمي من ماكس فاكتر " وإ ن شاءالله تعجبكم ♥♥

وبسم الله نبدأ ..

هذا جل لاينير من مايبلين او كحل كريمي من مايبلين 

عجبني لعدة اسباب , سواده جمييل جدا وهذا اللي كنت ابغاه , ثباته مررره ممتاز وححلو 

مايسيح وهذا شيء احناا ندور عليه اننا نلاقي كحل مايسيح ..

انا قبل مااشتريه بفتره كنت حابه اجربه وكنت متحمسة له مره بس اشتريت جل لاينير بس بنوعيه رخيصه عشان اتدرب عليه  اول وتدربت عليه لما اتقنته وقلت خلاص لازم اشتريه  , واشتريته وعجبني كثثير , صراححه انصحكم فيه جمميل جدا  وسهل فـ الرسم يجي معاه فرشه لكن مااستخدمته خليته على جنب استخدمت فرش ثانيه لان الفرشة اللي معاه مو مناسبة أبد للرسم استخدمي فرش ثانيه من اي ماركة تحبينه يجي منه عدة ألوان اسود , بني , بنفسجي .. عجبني الاسود وانا ناوية على البني ان شاءالله ..

اشتريته بـ 40 ريال .. سنتر بوينت ..

هذا شدو كريمي من ماكس فاكتر ..

اخذته لاني كنت ابغى اجرب الشدوات الكريميه من ميبلين ولا لقيته وقلت اخذ هذا واجرب ..

يجي منه عده الوان ..لكن اللون اللي عجبني هو هذا وجربته عجبني . حلو واستخدامه سهل .. وطريقة الدمج مره سهله وثباته حلو ..

حابه انوّه على فكره ان اللون الغامق ابدا مايصلح  للكنتور  لانه شيمري والكنتور يكون مات ويكون بني مايل للرمادي ..

اللون ججميل الصراحه وعجبني كثير يجي لونين على الطرفين واحد فاتح ومكتوب عليه ستيب ون (الخطوة الاولى ) والثاني غامق  ستيب تو ( الخطوة الثانية) انا اول مااستخدمته استخدمت الفاتح اول ودمجته كويس وعجبني اول ماحطيته

اشتريته من سنتر بوينت السعر مااذكره والله نسيت :(

بالنسبة للمنتج عجبني جدا لانه لونين مع بعض وهذا حلو وانه اللون الاول للجفن والثاني يكون  للكريس (كسرة العين) اتمنى انكم فهمتوا علي :)

وبسس 

ان شاءالله عجبكم البوست وان شاءالله كان خفيف وبسيط عليكم ..

ولا تنسون تتآبعوني على التويتر والانستقرام وتسالوني بالاسك تلقون الروبط في الايقونات  يمين الصفحة ..

وشكرا عشآنكم وصلتوني ل40,800

 وخليتوني اتحمس واسوي بوسست أي صح لأانسى اشكر كل اللي شجعوني أهلي وصديقاتي والله يخليكم لي ان شاءالله 

مع السلامة ♥♥