اشياء ضرورية لكل بنت (2) ~

اهلين بنات ..

وش اخباركم ؟ معليش ادري اني قصرت بحق المدونة والتدوين من زمان مانزلت شيء جديد .. بس والله مضغوطة من الدراسة امتحانات تقريبا اسبوعين بعدين على طول امتحانات مره ثانية ماادماني افضي ابد وانزل ..

بما انه قصرت بحق المدونة والتدوين .. اليوم راح تكون التدوينة عن اشياء ضرورية لكل بنت البارتي الثاني .. حبيت اكمل البارتي الاول  اضغطي هنا  فقلت اكملة ان شاءالله اذا حسيت ان فيه اشياء مهمة وضرورية .. لقيت وقلت اتكلم عنه اليوم ان شاءالله ..

الشيء الاول واحسه مهم : واقي شمس شيء مهم ان البنت يكون معها واقي وخاصة اذا طلعت مكان فيه شمس وبما اننا مقبلين على الاجازة وفصل الصيف عموما وهو مهم عشان يحمي بشرتك من اشعة الشمس واشعه الشمس مفيده بس الاشعة الفوق بنفسجية تسبب جفاف وحروق شمس وسرطان الجلد الله يبعدنا عنه

عشان كذا مهم يكون عندك واقي وتوزعينه على الوجه والرقبة والاذن وحنا بما اننا نداوم فمهم لنا الواقي ..

من الصيدلية او السوبر ماركت ..

سعره مااذكر بالضبط ..

الشيء الثاني : شنطة العناية بالاظافر ..

مهم اننا نعتني بالاظافر لانه اذا تركناه شكله راح يكون قبيح , ويكون معطي منظر سيء لليد , عشان كذا لازم نعتي به وفيه برضوا اسباب ثانية  , فحلو اننا نعتني به ..  عشان تبغي تقوي اظافرك سوي الحركة هذي قبل ماتنامين تقريبا .. ( نص كاسة مويا , وملعقتين صغار زيت زيتون, وملعقة ملح ) وحطي فيها اظافرك لمدة ربع ساعة او عشرين دقيقة

الشنطة هذي من مكياجي ب 199 ريال ..

الشيء الثالث : لصقات تنظيف المسامات بالأنف مهمة جداً انها تكون عندك لانه تنظف المسامات وتشيل الرؤس السوداء اللصقات هذي حسيت انه تشيل الرؤس السوداء من قلب يعني احس بعد مااشيله انفي نظيف لانه شالت الرؤس السوداء

اذا كانت عند رؤس سوداء حول الانف لازم تشيلينه باللصقات او عند مسامات بالانف ضروري تنظفينه ! لانه ناتجه عن تجمع بقايا الاتربة والميك اب وغيره .. ضروري انك تشيلينه ..

تفتحين العلبة تلقين فيها 9 ظروف تاخذين وحده وتفكينة .. ويطلع لك اللصقة بللي الانف بمويا وبعدينتشلينه وتلصقيينها على الانف لمدة ربع ساعة .. بعدين بعد ربع ساعة تشلينه بشوي شوي .. وبعده جيبي مكعبات موية الورد (اضغطي هنا لو حابة تشوفي الطريقة)

عشان تقفلي المسامات .. وكذا خلصنا ..

من الصيدليه .. وسعره في العشرين ..

 الشيء الرابع : ترطيب الجسم مره مهم ان البنت تحافظ على ترطيب جسمة لان الجفاف مو مويس ابد للجسم فحاولي ترطبينه من الخارج ورطبية من الداخل شرب المويا 8 اكواب باليوم.. اللوشن هذا جميييييل ويرطب بزيت اللوز من جونسون ,, سعره 18 ريال في السوبر ماركت ..

الشيء الرابع : الاسكينول مره مهم للتنظيف الرقبة او الاكواع والركب من الاتربة والاوساخ وكل شيء ويساعد على التفتيح ..

اذا تبي معلومات عنه اكثر ..

(اضغطي هنا , وهنا)

الشيء الخامس : صابونة  لايف بوي مو ضروري لايف بوي ممكن ديتول او اي صابونه تقضي البكتريا .. هي تساعد على معالجة الحبوب اول ماتجيب حبة ممكن اند تستخدمينه على الحبة بس مو على الوجه كامل  فهو يجفف الحبه ويخفف الاحمرار اليي تسببه الحبه  .. استخدميه الى ماتروح الحبه ..

الشيء السادس : بخاخ فيتامين سي من بودي شوب .. فوائد الفيتامين سي كثيرة ومهمه للبشرة ..

اذا وجهك باهت ؟ يعطي حيويه ولمعه حلوه للوجه يصلح تستخدمينه بدال فكس من ماك انا استخدمه قبل ما انام وقبل ما اروح الدوام .. 

استخدمية استخدامات فكس بلس اتوقع بعتبر كبديل له .. مثبت ميك اب , يعطي دوي لوك  ,يعطيك شعور منعش , بخي على الفرشة اللي بتستخدمين فيها الشدور بتلاحظي انه اللون صار قوي , 

من بودي شوب

سعره مااذكره بالضبط بس تقريبا 69 ريال

الشيء السابع : مناديل مويا او مناديل رطبة سموه بالاسم اللي عاجبكم :) ..

احسه مهم انه يكون معك في الشنطة وغيره لانه تفك ازمات وتنفع برضوا انك اذا اخطيتي في الكحل تمسحي فيها  وتفك ازمة

ممكن تستخدمينه استخدامات ثانيه مثلا تمسحين فيه عباياتك اذا انب فيه شيء او لبسك او اي استخدام عاجبك هي مو محدده للميك اب بس لا و اشياء ثانيه ..

من محلات التجميل العادية ..

سعر الواحد ب3 ريال او 4 ..

اخر شيء ومهم مرره للبنت : الثقة بالنفس !

شيء مهم للبنت انه تثق بنفسه من ناحية كلامه واسلوبه وشخصيته عموماً وشكله !!

ثقي بالله اولا الثقه بالله شيء جمييل .. وثقي بنفسك ولا يهمك كلام الناس ممكن ماتكونين واثقه من نفسك فـ يهمك كلام الناس وايش قالوا ومااعرف ايش ..

غلط لازم تكونين واثقه بالله لان الثقه بالله هي الاجمل ,

* النقطة الاولى : كوني واثقه من نفسك لايهمك الناس وكلامهم لانه اذا اخذتي بكلامهم بتتعبين اكثر واكثر ومثل مانقول (رضا الناس غاية لاتدرك ) اهم شيء انك تكونين مرضية ربك وامك وابوك ..

 * النقطة الثانية : شجعي نفسك دايم لاتقولين انا مااقدر ومستحيل لا بالعكس احذفي كلمة مستحيل ومااقدر من قاموسك الشخصي وحياتك ودايم شجعي نفسك وعطي نفسك دافع ايجابي دائماً

* النقطة الثالثة : الشكل (شكلك) دايم كوني مقتنعة من شكلك واحمدي الله على كل شيء انتي جميله بكل حالاتك ومااتوقع فيه بنت مافيها شيء جمييل بالعكس كل بنت فيها شيء جميل لاتحطمين نفسك ابد ,

* النقطة الرابعة : البنات اللي فاهمين الميك اب غلط انه الوحده ماتحط الميك او اي شيء الا علشان فيها عيوب غلط احنا نحط ميك اب عشان نبرز الجمال فقط الميك اب ابدا ماينحط عشانك قبيحه هذذا غلط نحطه علشان نبرز الجمال  وبرضوا  خليك متجهزة وجميلة بكل حالاتك لان اهلك هم قريبين لك ممكن تطلعين بمرطب فيه لون وكذا حلو انك تكونين جميلة وتبرزين جمالك .

* النقطة الخامسة : حلو الواحد يكون واثق من نفسه واسلوبه وتعامله مع الناس يعني اقرب مثال تكونين قاعده مع اشخاص وتحسبين نفسك انك ثقيله عليهم او انهم مايبغونك او .. الخ غلط لاتفكرين كذا فكري باانه شيء حلو تقعدين معهم بس التفكيرذا شيليه من بالك لانك اذا حسيتي ممكن هم برضوا يحسوا انك كذا ..

*النقطة السادسة : حلو الواحد يتقبل النصايح برضا سواءً كانت من اهله او من اشخاص عزيزين عليه ! لانه لايدخل الجنة من كان في قلبه مثقال ذرة من كبر !

*النقطة السابعة : خليك دايم متفائلة وخليك دايم متوكله على الله سبحانه .. ممكن يجيك يوم يكون سيء بالنسبة لك بس مو معناته انه يوم ممكن باقي حياتك تكون سيئة بالعكس خليك دايم متفائلة ومتوكله على الله لانه سبحانه قال (قل لن يصيبنا إلا ماكتب الله لنا) وممكن انتي ب أفعالك وتصرفاتك وكلامك وبكل شيء فيك تخلي يومك جمييل وتخلي يومك سيء بس مهما صار ثقي بالله وتوكلي عليه !
النقطة الثامنة : خليك دايم مشجعة نفسك ولا تخلين اي شيء سلبي ممكن يأثر عليك حلو انك تكونين ايجابية وتعطين نفسك دافع لكل شيء ومتفائلة ترا ححلو انك تكونين متفائلة !
وبس 
ان شاءالله عجبتكم التدوينة ..
لاتنسون تتابعوني على التويتر والانستقرام وتسألوني بالآسك الروابط يمين الصفحة ..
وشكرا لكل من شجعني ودعمني سواءً اهلي وصديقاتي والناس الجميلة اللي تعرفت عليها ..
شكرا لانكم وصلتوني لـ 51,300
وخليتوني اتحمس واكتب تدوينة .. 
مع السلامة ♥♥