أشياء ضرورية لكل بنت ~

أهلين بنآت ~
اليوم ان شاءالله ابتكلم عن اشياء ضرورية للبنات واتوقع هي مو كلها 
 بس بعض منها 
وبسم الله نبدأ~

وهذولي الاغراض 
وأول شيء بتكلم عنه هو 

زيت الخروع للرموش من فترة اشتريت مسكرا من ميبيلين اللي اسمها XXL الحمراء وكانت جدا متعبة وصعب إزالتها وكانت طيحت رموشي بالمره وانا امسحها بالمزيل كانو رموشي يطيحن بالقطنة وعلمت خالتي وقالت لي مالك اللي زيت الخروع وجابته لي بعدين علمتني كيف استخدمه هو استخدمه قبل النوم وراسه على شكل رول زي كذا

بس الكميرا الله يديها مو موضحة الصورة بس عادي اصبر لمين تجي كميرتي باذن الله المهم اجيب الزيت وقبل ما انام يعني احطة على الرموش لي تقريبا اسبوعين وانا كل يوم احطه وشفت النتيجه رموشي تغيرت مرهه كثرت صارت قوية وهذا اللي عجبني فيه 
مكان الشراء :- العطار
سعره:- بحدود 10 الى 15 بس مااتوقع يوصل للعشرين 

ثاني شيء بتكلم عنه هو 

كريم لازالة البقع في البشره ماما كد صار فيه ووجهها اثار سوداء راحت للدكتورة وعطتها الكريم قالت استخدمية قبل ماتنامي بس بعدين استخدمته قبل مانامت لمدت اسبوعين او اكثر وبانت النتيجه تقول صحيت من النوم لقيت مكان الاثر متقشر وخف مرره وعجبها وهي للحين مستمرة عليه عشان اللي فيها يروح 
مكان الشراء :- من صيدلية الحبيب 
السعر :- 240 ريال وعلبته مرره صغيرة 

وثالث شيء بتكلم عنه هو 

ومن منا لا يعرف ماء الورد ماء الورد ججميل للبشره يغذيها وتحسي بانتعاش  لما تبخيه وله فوائد كثيره للبشره ينقي للبشره ومن هالكلام وحلو انك تبللي قطنة وتمسحي وجهك قبل النوم وحلو لو انك تستخدمينه يوميا انا استخدمة يوميا لو كانت عندك علبة صغيره عبيها وخوذيها معك اي مكان خليها مهمة زي ماتخاذي جوالك لأي مكان للبيت خوذيها معك مررهه حلوه تخليك حسي بانتعاش للبشره وانا دائما اخليها معي لو انا قاعدة على الايباد اشوف تلفزيون اي مكان ابخها بعض المرات اذا طلعت حطيتها بشنطتي ورحت لدورات المياه وحطيتها  
مكان الشراء :- العطارين 
السعر :- اكيد 15 او 10 مااتوقع تتعدى هذا السعر 

ورابع شيء هو 

كريم سيتافيل هو كريم مرطب للبشره الجافة او الحساسة والاحسن انه مافيه رائحة عطرية انا يوم كانت بشرتي في الشتاء كنت احس بجفاف وكنت استخدمه وكان حلو ترطيبة جدا والاحسن انه طبي ومرره ينفع للي بشرتهم جافة وحساسة 
مكان الشراء صيدلية الحبيب 
سعره 90 ريال
وخامس شيء هو 

كريم من clearasil
هو كريم يخفف الاحمرار ويحارب حب الشباب وينعم البشره 
اختي فترة وصار له حبوب في وجهها 
وتقول كنت استخدمه 3 مرات يوميا وقبل مااحطه اكون غاسله المكان بصابون ضد البكتيريا وبعدها احطه على مكان الحبه بس واخليه بدون ماافركه اخليه تمتصه وبعد استخدامه خففت الحبوب 
مكان الشراء :- السوبر ماركت 
سعره :- 20 ريال 
 واخر شيء اتكلم عنه هو 

هو غسول ومقشر من كلين اند كلير اتوقع كذا اسمه 
ومرطب كلهم من نفس المجموعة 
مورنينق إنيرجي morning energy 
الغسول والمقشر مابينهم فرق بس اللهم الحبوب البيضاء اللي بالمقشر اول شيء استخدم المقشر بعدين احط منه  شوي على وجهي ويكون وجهي مبلل  وحبوب المقشرة ناعمة مو خشنه وتفركي بحركات دائرية وب شوي شوي  ولمدة دقيقة 
ولمن تحسي ان الحبيبات المقشر  ذابت شوي بعدين اغسليه بموية عشان تنظفيه  وجهك من المقشر  بعدين نستخدم الغسول الوجه راح يكون مبلول بعدين حطي من الغسول  وبتلاحظين انه يطلع رغوة وافركيه  لمدة دقيقتين  وبعدين غسل بالموية ورطبي وجهك بالمرطب المرطب عجبني انه مايدهن الوجه وانه غير دهني هذا اللي عجبني فيه وحلو مره للاستخدام اليوم 
وكل المجموعة تنفع للصباح وللبشره الدهنية الى الدهنية المختلطة 
وكلها خالية من الزيوت ..
مكان شراءة من السوبر ماركت 
سعره الغسول والمقشر والمرطب بحدود العشرين او الثلاثين مو كلهم جميع لا كل واحد لحالو 
ولا تنسون تتآبعوني على التويتر والانستقرام وتسالوني بالاسك تلقون الروابط فوق 
وشكرا عشآنكم وصلتوني ل1490
 وخليتوني اتحمس واسوي بوسست أي صح لأانسى اشكر كل اللي شجعوني أهلي وصديقاتي والله يخليكم لي ان شاءالله 

مع السلامة ♥♥