مفضلاتي في شهر مايو وابريل ♥♥

أهلين بنآت ~
طبعا اليوم نزلت بوست عشآني خلصت اختباراتي وفضيت وقلت ابنزل بوست البوست يتكلم عن مفضلاتي في شهر ابريل ومايو..

هذولي مفضلاتي كلهم وبسم الله نبدأ..

أبواك اومحفظة للمكياج او شنطة للمكياج والله مااقدر اعبر عنها المهم اللي شدني لمها وخلاني استخدمها ف الشهرين اللي فاتو اشكالهم جنان مرهه وانا كل ماطلعت لازم اخذهم معي مره احط فيهم فرش او ميك اب شوي او كريمات او بنس يعني عدت استخدامات واللي خلاني  احبهم زياده الوآنهم والروسومات الجميلة اللي عليها  ..*تجننننن*

شريته من H&M

سعره :- والله ماادري لانه من فتره هو عندي 

هذولي فرش من اوريفلام ORIFLAME
 اكثر شيء استخدمتهم في الشهرين اللي مرو عجبوني حلوين واتوقع انهم مناسبين لمبتدئات واحسن شيء ان الفرش تلقط الباودر بسرعة  وحلو انهم اذا غسلتيهم مايطيح الشعر مدري الريش المهم انه مايطيح يعني 
سعره :- مدري والله لانه جاني هدية 

وفرش صغيره من بوتس ب 18 ريالز 
دايم اذا طلعت اخذها معي ماحطيت صورتها**

 واكثر شيء لبسته سوارة من متجر فانيلا السوارة بحد ذاته جميلة مرهه واكثر شي لبسته احسها ناعمه وحلوة 
وشوفوها كيف عاللبس 

 سعرها اتوقع ب 40 
من متجر فانيلا 
http://vanillaeshop.com/

 واكثر شيء استخدمتهم مناكيرين من رفلون الوانهم حلوهه وجميلة واحسس لازم عند كل بنت ان يكون عندها مناكير ريفلون حتى اللون الاحمر يجنن مره واللون والناعم جاي على بنك او بيج  مرره جميل 

 وهذا سواتش عنه رقم الاحمر680 
واللون الخرافي هذا رقمه 281 
من سنتر بوينت ستاند ريفلون سعره بحدود 30 ريالز 

 اول شيء راح اتكلم عنه هو رول اون قارنية سالفتي معه ان قلت لابوي يجيب رول اون قارنيه و هذا كونسيلر الثاني المعالج قلت ابجربه وبابا اخطأ وجاب كونسيلر جاء لمي وقال هذا هو قلت انا لا مو هذا والا اقول خلاص عطني اياه ابجربه يوم جربته بديت احكم عليه عجبني فيه انه خفف الهالات اللي تحت العين وتغطيته خفيفه الى متوسطه وعجبني انه مناسب للصباح والطلعات الخفيفه  

ثاني شيء اللب بتر الجمميل من ريفلون اللي خلاني احب ريفلون غصب  انه معروف ولونه جميل وطبيعي وجميع ألوانه حلوه وطبيعيه وفيه نسبه ترطيب حلوه ودايم أحطها اذا رحت لأي مناسبة ترا على الشفايف مره جميل وحلو وخفيف ويرطب اسمه بيري سموثي من سنتر بوينت ستاند ريفلون سعره 56

وثالث شيء راح اتكلم عنه هو مرطب شفايف من ذا بوي شوب بنكهة المشمش او الخوخ كذا عجبني فيه ان ترطيبه حلو مومرهه قوي ولا اللي عادي ترطيبه وسط ححلو  وانه ريححته جميلةة ودايم استخدمه وفيه بعدة نكهات بس انا اخترت هذا  
سعره 15 ريالز 
من ذا بودي شوب

 الشيئ الرابع مسكره ماكس فاكتر تكثف بس من ثالث استخدام وأنا لاحظت هذا الشيء عيبها أنها تكتل بس من سنتر بوينت سعره 35

 الشيء الخامس بلش خفيف وناعم وطبيعي  من ذا بودي شوب خفيف وناعم ومات ولازم تعيدينه أكثر من مره إذا كنتي تبين لون أوضح أما انا أعيده مرتين يعطين لون خفيف وناعم وهو مات ما يحتوي على أي شيمر أو لمعه 

الشيء السادس هو شدو من نكس جميل مرهه ولونه حلوو واكثر شيء استخدمته ولازم احط بيس علشان يثبت اسمه GESHA رقمه 92
سعره :- والله مدري اذا شفت الفاتورة كتبت هنا 

وهذولي السواتش 

 وهذي العطورات 
اول واحد زيت عطري اخذته من باجنيد ريحته حلوه  وجميلة واحسها تنفع للمساء للعزايم او السهرات ومايله شوي على العود
سعره بحدود ال200
اما العططر الجميل  من جوسي كوتور ريحته حلوه وخفيفه  وناعمه  بس وثابته انا حاطته من ساعتين وللحين ثابته  جميله سعرها والله مااعرف ماما جابته لي من فافافوم 

وكريم جرجنز كريم حلوو لليدين ترطيبه جمميل واحسه مرهه يرطب وريحته جميله دايم استخدمهم باللليل هو وكريم اللي بجمبه من ذا بودي شوب مرهه ترطيبهم حلو وحسيت باللي يقولونه انه يعالج حول الاظافر انا لاحظت هالشيء بس مو مرهه  يعالج بنسبه قليله 
جرجنز من السوبر ماركت او الصيدليات 
سعره 15
كريم ذا بودي شوب باللوز وريحته جميله زي ماتكملت عنه انه ترطيبه حلو بالمرهه واتوقع هو البديل عن كريم لوكستيان 
من ذا بودي شوب سعره 25 
الاوراق الشمعيه الجميلة دايم استخدمها عشان منطقة التي زون عندي دهنيه واتوقع صديقاتي يعرفونها لانهم مجربينها وانهبلو عليها من دايسو ب 7 ريالز فيها 250 ورقه

اخخخر شيء بخاخ باي باي جفاف بعطر جوز الهند مهمته يبعد التقصف اللي بالششعر وانا لاحظت هذا الشي ابعد التقصف حتى امي وخواتي شرو مثله جمميل مرهه وابعد التقصف وش طريقته انا اقسم شعر بعدين اجيب الاطراف ابخ عليه  3 بخات والفه  وبرضو مثله للجهه الثانيه وانام  والصبح اذا صحيت بخيت في المشط وكديت فيه شعري ولاحظن ان االشعر المتطاير وانا اسرح شعري ماله وجود دايم حنا نعاني من الاشياء المتطايره وهذا احسسن حل له   وبسس 
سعره 18 ريالز 
من السوبر ماركت او الصيدليات 
وبسس .. 
ولا تنسون تتآبعوني على التويتر والانستقرام وتسالوني بالاسك تلقون الروابط فوق 
وشكرا عشآنكم وصلتوني ل1200
 وخليتوني اتحمس واسوي بوسست أي صح لأانسى اشكر كل اللي شجعوني أهلي وصديقاتي والله يخليكم لي ان شاءالله 

مع السلامة ♥♥