جمال غرفتي ♥

أهلين بنات ..

اخباركم ؟ معليش ادري اني قصرت بحق المدونة والتدوين من زمان مانزلت شيء جديد..

جد والله اسفة كنت مضغوطة شوي من الدراسة وكذا ولافضيت والوقت هذا فضيت وحبيت انزل 

بما انه قصرت بحق المدونة قررت انزل تدوينة وتكون فكرة مختلفة شوي وهي عن طريقتي بترتيب غرفتي واغراضي  وراح تكون التدوينة شوي طويلة وفيها صور كثيرة لو حبيتوا الفكرة قولوا لي رايكم هنا وهي عن طريق الرد , او في التويتر او الانستقرام او الاسك لو حابين -الروابط في أعلى الصفحة- 

ونقول بسم الله ونبدأ : 


انا طريقتي بتنسيق غرفتي تقريباً الونها كثيرة ف اغلب الاشياء اللي راح اعرضها لكم الحين الوانها مختلفة وكذا بس اهم شيء ماشية مع غرفتي والحمدلله يعتبر شيء زين وكويس 










اول شي راح تشوفونه طريقتي بترتيب تسرحتي والميك اب 
تعرفون اللي هي العلب البيضاء اللي من ايكيا ؟ اللي فيها دانتيل ؟ 
ايوه , انا عجبتني بالبداية ولاحظت كثير من البنات يعني تكون على تسريحتهم وعجبتني اكثر بس فكرت اني ابيها تكون بلون مختلف ف حصلت اللي ابغاه وكانت بلون مختلف هنا عجبتني اكثر واخذتها , اهذت الحجم الكبير والصغير وجداً استفدت منها واحسها جملت لي المكان ب الوانه . 
وقسمتها على اللي ابغاه العلب الصغيرة حطيتها , للمحددات , للقلوسات والارواج السائلة , للمسكرات , للكونسيلرات , للفرش الوجه , لفرش العيون , الاكحال سواءً القلم او السائلة , حطيت علبة فيها الشموع الصغيرة البيضاء اللي من ايكيا . 
العلب الكبيرة حطيتها ,للفرش الشعر , امشاط الشعر ,الكلبسات . 








اخذت منظمات الميك اب اللي تكون فوق التسريحة اخذتها من سنتر بوينت اخذت حبتين منها 
ونظمت لي الميك اب كويس وحلو وبرضوا كفت لي الميك اب برضوا  . 
فيها مكان للارواج والقلوسات وممكن تحطون فيها ماسكرات وكذا بس انا مخصصه لهم علبة عشان كذا ماحطيتها معهم .
ممكن تغيرين بطريقة الترتيب رتبي بالطريقة اللي تعجبك . 
متصلة فيها مرايه من فوق . 
تقريبا شريته من سنتين ف مااعرف اذا كانت موجودة الحين او لا .  



صورتها وهي فاضية عشان توضح لكم الاقسام اللي عبيتها .
فيه مرايه من فوق بس مو واضحة لكم . 

اخذت برضوا من سنتربوينت الادراج الصغيرة الشفافة ست ادراج صغيرة اخذت حبيتن وحطيت فيها الاكسسوارات اللي نلبسها انا وخواتي 

قسمتها على الخواتم , السلاسل , الحلق . 

فصار الحين شيء سهل اني البسهم وارجعهم بنفس الوقت واريح لي بعد . 

ومن فوق برضوا فيه منظمة طبعا ماتجي معهم هي الحاله .  
فيها تقسيمات صغيرة بس انها تنفع تحطين فيها الاغراض اللي تبينها .



صورتها وهي فاضية عشان توضح لكم التقسيمات .



طبعا فيه الدروج هذي الملونة اتوقع اغلبكم يعرفها هي دروج ملونة تجي من جهة اليمين كبيرة وتجي من اليسار صغيرة 
وفيه نفسه بي انه من كل الجهتين دروج صغار .





استغليت اللي فوق وحطيت فيهم العطورات والمرايه . 

صورت لكم درج من الدروج الكبيرة ودرج من الدروج الصغيرة .
كل الدرجين فيهم ربطات شعر الدرج الصغير فيه الربطة اللي تلبسينها قبل ماتبدئين بروتينك او الميك اب . 



فيه هنا البوكس اللي تجي من قماش .
راح اوريكم الحين كيف تركبونها . 
1,2. تفتحونها بعدين تشوفون فيه ثلاث اعمدة من داخل 
3 . تاخذون العمود اللي على اليمين وتدفونها  بعدين تلاحظون انه نص البوكس صار قايم شوي . 
4. وتسون نفس الطريقة من جهة اليسار -لاحظو ان البوكس صار قايم كله الحين- . 
5. العمود اللي بالوسط حاولوا توقفونه . 
بعدين صار البوكس جاهز الحين تقدرين تستخدمينة عدة استخدامات
انا حطيت من داخل مناشف عشان تشوفون عمقه وسعته من داخل . 
مثل تحطين فيها الملابس الداخلية , التيشيرتات , سكارفات , ممكن شرابات  , اي شيء تبغينه ممكن تحطينه فيها 



له احجام كبير وصغير ووسط . 
وله الوان بعد .



وتقدرين تدخلينة من داخل الدولاب يكون على الرفوف .  



هذا مثله صغير يسكر من فوق تقدرين تحطين فيه الشواحن والسماعات , تحطين فيها الاغراض او الكريمات اللي تستخدمينها قبل ماتنامين وتكون على الكومدينه ,ممكن برضوا تحطينها فيها اللي تبغين وتدخلينا داخل الدرج . 


وبس هذي التدوينة والحمدلله خلصناه.
حبيت اقولكم شغلة انا خصصت للمدونة سناب , اعجبتني الفكرة بحيث يكون اقدر افيدكم ان شاءالله 
واقدر اكون معكم ان شاءالله . 
هذا الحساب : looysh_18 

 اتمنى ان التدوينة عجبتكم , لاتنسون تتابعوني على التويتر والانستقرام وتسألوني بالآسك

الروابط يمين الصفحة 

وشكرا لانكم وصلتوني لـ76,512.
وشكرا لكل من شجعني ودعمني سواءً من اهلي و صديقاتي والناس الجميلة اللي تعرفت عليها ♥♥ 

ومع السلامة ♥♥