اهلين بنات
اخباركم ؟
معليش من زمان مانزلت تدوينة جديدة بعد اخر تدوينة جاء العيد بعدين انشغلنا وكذا بعدين سافرنا والحين الحمدلله مالنا كم من يوم راجعين فقلت انزل تدوينة جديدة من زمان مانزلت يالله مااطول عليكم وتدوينة اليوم هي ريفيو عن 4 منتجات عناية بالشعر
حسيت اني قليل اني اكتب عن منتجات خاصة بالشعر وكذا فقلت اكتب
وبسم الله نبدأ
اول منتج هو زيت الفيف من لوريال :
هو زيت من لوريال متكون من ٦ زيوت مستخلصة من زهور نادرة وهو زيت ممكن استخدامه بشكل يومي او بعد كل شور خفيف جدا وغير دهني ، ريحته حلوه فيه نوعين منه النوع اللي معاي وهو لجميع انواع الشعر ، وفيه نوع للشعر المصبوغ ولون العلبه احمر له اكثر من استخدام واحد ممكن تستخدمينه بعد الشاور يكون شعرك رطب تحطي شوي منه بيدك بعدين
توزعين من الاطراف وانا مااستخدمه على فروة الرأس لانه اساساً فروة الراس عندي دهنية ف ابعد عنها و الاستخدام الثاني هو قبل الشاور توزعينه على شعرك وزي ماقلت ابعدي عن الفروة يعني من بعد اذنك وركزي عل الاطراف عشان التقصف وكذا بس لوكانت الاطراف عندك متقصفه حاولي تقصي التقصف عشان لو حطيتي الزيت عليه وهو متقصف ماراح يجيب نتيجه ف احسن شيء اذاكنتي تبغي شعرك يكون حيوي وصحي التقصف اللي عندك قصيه وابدي بالعناية ف شعرك , حبيت نتايجه كثير حسته شعري فيه لمعه صحيه وحيوي وحسيت شعري مترطب وخفف لي النفشة اللي بعد الشاور واحسن شي بالمنتج ريحته جمييلة بالنسبة لي في حاله عشق مع ريحته عشان كذا احب استخدمه العلبة اقتصاديه يعني ممكن يطول معك ...
سعره : 40 ريال .
ثاني منتج هو ماسك من صانسلك :
هو ماسك للشعر للعلاج المكثف وتقوية الشعر والحل تقريبا لمشكله التساقط و تحممين شعرك بالشامبو بعدين جففيه شوي بالمنشفة ويكون شعرك رطب تاخذين شوي منه بيدك وتوزعينة على شعرك من بعد إذنك وتتركينه من 3 الى 5 دقائق وتشطفينة بالمويا , بالنسبة لتجربتي معه كانت جمييلة جدا ريحته جمييلة مرره , حسيت انه ينعم الشعر شوي ويخفف النفشة تقريبا , حسيت ان شعري شوي صار قوي بس بنسبة خفيفة
سعره مابين 30 إالى 40 ريال.
ثالث منتج هو حمام زيت بانويل :
حمام الزيت يتكون من زبت المشمش وفيتامين ب مرره ممتاز للشعر الجاف والمتضرر , تستخدمينه بعد ماتحممين شعرك بالشامبو تنشفين شعرك شوي بالمنشفة ويكون شعرك رطب تاخذين شوي منه بيدك وتوزعينة على شعرك من بعد إذنك وتتركينه من 10الى 51 دقيقة وتشطفينة بالمويا , تجربتي معاه جمييلة حبيته كثيير , رطب شعري وحسيت عطى شعري منظر صحي وعطاه لمعه صحيه وحيويه وجمييلة , شعري حسيته ناعم يعني حسيته نعم شعري , اذا جيتي تحطيه ركزي على الاطراف عشان يفيدها وتصير مترطبة ومايكون فيها تقصف , ريحته مشمش جمييلة للي يحبون المشمش وكذا لكن بالنسبى لي ريحته عاديه
سعره 15 ريال .
رابع منتج والاخير هو حمام زيت فاتيكا :
حمام زيت فاتيكا للشعر الباهت بزيت الزيتون واللوز والحنا , تستخدمينه بعد ماتحممين شعرك بالشامبو تنشفين شعرك شوي بالمنشفة ويكون شعرك رطب تاخذين شوي منه بيدك وتوزعينة على شعرك من بعد إذنك وتتركينه من 10الى 51 دقيقة وتشطفينة بالمويا تجربتي معاه حلوه , عطى شعري مظهر حيوي وصحي ولمعه جمييلة وترطيبة كويس وحلو , خفف لي النفشة وكذا , لكن ريحته ماحبيتها كاانها ريحة زيوت وحنا وكذا بالنسبة لي ماعجبتني ريحة ابد لو خلصته اتوقع راح اجيب شيء افضل منه ان شاءالله .
سعره من 20 إلى 30 ريال .
* جمييع المنتجات اللي ذكرتها فوق ممكن تلاقوها في الصيدليه والسوبر ماركت او غيره .
وبس خلصنا التدوينة الحمدلله , اتمنى ان التدوينة عجبتكم , لاتنسون تتابعوني على التويتر والانستقرام وتسألوني بالآسك الروابط يمين الصفحة ..
و
شكرا لانكم وصلتوني لـ 68,512
وخليتوني اتحمس واكتب تدوينة و شكرا لكل من شجعني ودعمني سواءً اهلي وصديقاتي والناس الجميلة اللي تعرفت عليها ..
مع السلامة ♥♥
يعطيك العافية على ذكر تجربتك أنا استخدمت زيت لوريال والبانويل صراحة جدا حلوين للشعر
ReplyDelete