منتجات تجميلية مااستغني عنها ♥♥

اهلين بنات 

اخباركم ؟ اخبار رمضان معكم ؟

اليوم ابنزل تدوينة عن منتجات مااستغني عنه , قلت منها انا متحمسه مرره ومنها انتم تستفيدوا والمنتجات هذي مااستغني عنه ابد اذا سويت ميك اب , وتنفع التدوينه لميك اب بسيط لاني راح اتكلم عن منتجات كثيرة -ان شاءالله فهمتوا كلامي :)- 

وبسم الله نبدأ .. 

- البيبي كريم 

انا استخدم البيبي كريم من غارنييه ممتاز مرره وانصح فيه للي بشراتهم مختلطة الى دهنيه , قوامه سائل -مائي- *انتبهي لاتحوسي الدنيا* , يوحد لون الوجه ,يخفف من اللمعان , ويبين البشره جمييله وطبيعيه  , وخفيف ع البشرة , تغطيته خفيفه الى متوسطه تقريبا , مايدهن الوجه , وادمنته وكل ماخلص اجيبه ,

من صيدليه النهدي 

32 ريال 

-الكحل 

انا استخدم كحل برجوا يجنن مرره جمييل وعن نفسي حبيته كثير , ريشته سهله بالرسم ,  وسواده حلو ,  وينشف بسرعه ,وثباته ممتاز وحلو , 

من سنتر بوينت 

75 ريال 

- بودره الحواجب 

استخدم بودره الحواجب من بودي شوب احببها كثيير ولا استغني عنه ابد , ممتازه مره وثباته كويس ,  وحلو وتبين شكل الحواجب طبيعي , بس الفرشة اللي معها سيئة مره لاتستخدميها استخدمي فرشة مشطوفة احسن بالرسم 

بودي شوب 

77 ريال 

-الماسكرا

الماسكرا الشفافة :

 انا مااستغني عنها في رسم الحواجب بعد الباودر احطها واحاول ارتب الحاجب تعطي شكل مرتب وطبيعي للحواجب *امي -الله يخليها- لزمت علي اني استخدمها لرموش واترك المسكرات الثانيه :) طبعا هي تكرهها وانا احبها ): ؟ هي تستخدمه لها ولاختي وتقول احسن من اللي معك ): 

من سنتر بوينت 

30 ريال 

الماسكرا : 

 احس اهم خطوه بالميك اب واهم منتج مااستغني عنه في الميك اب  الماسكرا احس تعطي شكل جمييل للعيون , وتبين شكلها ,وافضل ماسكرا عندي للحد الان ماسكرا clump defy من ماكس فاكتر جمييلة مرره , تفرق الرموش وتعطيها منظر جميل , واذا حطيتي اكثر من طبقة تعطيك منظر اجمل واجمل , اهم شي انها ماتتكتل 

من سامرة

60 ريال 

                                     - عاقصه الرموش

شيء اساسي مااستغني عنه  استخدمه قبل الماسكرا , تعقص - تعكف - لي الرموش بشكل جمييل استخدمها قبل الماسكرا واحسها مهمه برضو تخلي شكل الرموش جميله , 

من بودي شوب 

20 ريال 

                              - كونسيلر -خافي العيوب-

استخدم من ميبلين فيت مي ممتاز وحلو , ويناسب للي فيهم عيوب قليله وهالاتهم ماهي قويه , واستخدمه برضوا تحديد الحواجب خفيف وجمييل , وحبيته صرت مااستغني عنه ,

من سنتر بوينت 

سعره 43 ريال 

- الهايلايت - الاضاءة-

استخدم هاي بيم من بينفت سائل ثقيل يعطي اضاءه جميله للوجه لونه لؤلؤي على وردي , يعطي لوك ديوي وجمييل ومشرق , اذا حطيتيه يكون ناعم ما يكون قوي زي الإضاءات الثانيه , انا اشتريتهم من هديل ستور كتبت عنه تدوينه (هنا)

التنت -ملون الشفايف والخدود-

  البيني تينت من بنفت : هو سائل ملون للخدود والشفايف لونه روز احمر ، وثباته عالي , وطريقة توزيعه ع الخدود تحطي ثلاث خطوط على الخد وتدمجها بسرعه لانه ممكن ينشف ويثبت ، واذا كنتي بتحطيه ع للشفايف من قبل ما تستخدمينه قشريه بمقشر ورطبيه وبعده استخدميه ,  يعطي تورد طبيعي وجمييل ع الخدود والشفايف ومرره ممتاز ,

كتبت عنه (هنا)

- البلاشر 

* اذا استخدمت التنت على الخدود مايحتاج احط بلاشر 

البلاشر شيء جمييل وانا من رأيي الشخصي انه شيء أساسي , يعطي لون جميل وانا احبه اذا كان لونه خفيف وناعم , وبلاشر بودي شوب جمييل وناعم ولونه جماال ): 

من بودي شوب 

سعره : مااذكر والله 

-ماصورتها لان توي نظفتها :) - 

- اسفنجه ريل تكنيك 

اسفنجه جمييله مااستغني عنه واستخدمه بالدمج ونتيجته بيرفكت , اتوقع انه بديلة البيوتي بليندر , وسهله بالدمج , استخدميها وهي رطبة احسن من انها ناشفة لانها تكون قاسية وتتشرب الفاونديشن 

تكلمت عنها (هنا)

- اكسبرت برش من ريل تكنيك 

منتج جمييل ومهم , تنفع تستخدميها في الكونتور والهايلايت والبلاشر والفاونديشن والكونسيلر , وحس انه اهم فرشة اذا كنتي ماتقدري تشتري مجموعة الفرش للوجه , وممتازه في الدمج و عن نفسي استخدمها للبلاشر , جمييلة مره ,

تكلمت عنها (هنا)

والحمدلله خلصنا التدوينة صارت عن لوك ميك اب كامل هههههههه بس عادي هذي اغلبها استخدمها واحسه مهم ولا استغني عنها :) 

وبس 

ان شاءالله عجبتكم التدوينة ..

لاتنسون تتابعوني على التويتر والانستقرام وتسألوني بالآسك الروابط يمين الصفحة ..

وشكرا لكل من شجعني ودعمني سواءً اهلي وصديقاتي والناس الجميلة اللي تعرفت عليها ..

شكرا لانكم وصلتوني لـ 61,050

وخليتوني اتحمس واكتب تدوينة .. 

مع السلامة ♥♥