مشترياتي الجديدة ♥♥

اهلين بنات 

اخباركم ؟ 

اول شيء اقوله لكم كل عام وانتم بخخير♥♥ وتقبل الله صيامكم :$♥♥

الصورة هذي من تصوير بنت خالتي ريا حطيت لها تاق في الانستقرام لو حابين تشوفون تصويرها :)♥♥

حبيت انزل مشترياتي الجديده من قبل رمضان تقريبا شريته ..

فقلت انزل عنه بما اني من زمان مانزلت عن مشترياتي 

وكل شيء اشتريته راح اكتب لكم ان شاء الله -السعر-المكان-ريفيو بسيط عنه اذا استخدمته- 

وبسم الله نبدأ 

* نبدأ بالمشتريات اللي تكون مخصصه للجسم :$♥♥ ..

 شريت شاور جل كلهم من نفس الشركه تقريبا ..

اخذت 3 اشكال 

واخذت بالورد وريحته جمييله :( ♥♥

واخذت بالمسك  وهو اكثر شيء استخدمه وافضله من بينهم ريحتته جميييلة مرره :( ♥♥

واخذت بنبتة الوفيرا  وريحته جمييله برضو :(♥♥

ريفيو بسيط عنهم : هم شور جل بروايح كثيره وجمييلة فيه بالميك والورد والفواكه وبنتبة الوفيرا واشكال ثانيه برضو , اول ماتستخدمينه تحسسك ب انتعاش ونظافه ونعومه بجسمك وفيه نسبه ترطيب بس لازم الترطيب بعد الشاور وعلبتهم كبيرة مقارنة بالشاور جل الباقيين يعني وسعرها حلو .. 

سعره : 13 ريال 

من سامرة 

ونبدأ بالميك اب :$ ♥♥..

بيبي كريم من غارنييه حول العيون -تقريبا كونسيلر- 

اخذت درجتين ميديم ولايت .. 

يوم رجعت للبيت وجربت درجه لايت طلعت غامقه شوي , تتذكرون رول اون غارنييه الفاتح ! يوم جربت البيبي كريم هذا طلع الرول اون افتح منه ..

سعره : 20 ريال , ماتاكدت من سعره بس حول العشرين :) 

من سامرة 

ماك فكس بلس حبيب الجمييع يعني مافيه احد مايحببه له استخدامات كثييره 

- تحطينه بالفرشة قبل استخدام الشدو يقوي اللون ويخليه يثبت زياده 

- برايمر للوجه 

- يعطي ديوي لوك - يعني يصير وجهك مترطب - 

-ويثبت الميك اب 

- ويصلح الميك اب المكسور من اضاءة وشدو وغيرو 

وله برضو استخدامات كثيير ..

سعره : 100 ريال 

من ماك 

 ارواج برجوا السائلة  ..

فيه منها 8 درجات 

نزلت عندنا تقريبا كلها واغلبهم يقولون اجمل درجه منه رقم 7 

انا رحت لسنتر بوينت واخذت درجه رقم 2 وطالع بالصورة احمر :( وهو لونه قريب للفوشي شوي 

ريفيو بسيط عنه : روج سائل تحطينه على شفايفك يصير مات وجمييل مرره وثباته ممتاز وتغطيته كامله ولاينشف الشفايف ولايطبع ..

سعره : 75 ريال 

من سنتربوينت 

مرطبات EOS المشهوره ..

اخذت نكهة اليوسفي والليمون ..

ريفيو بسيط عنهم : مرطبات EOS مشهوره بان المرطبات كلها تتكون من مواد طبيعية وترطب بشكل ممتاز وجمييل ولها نكهات ثانيه ..

سعره : 25 ريال للواحد 

من سامرة 

مناكير من ماكس فاكتر 

لون احمر , وموف بس الصورة مطلعته ان الموف غامق مره ): 

سعره : 40 ريال 

من سنتر بوينت 

ميبلين كلر تاتو 

شدو كريمي كان مافيه الا الدرجه هذي ولون ازرق واخذته على المدح الكبير اللي جاء عليه وقلت ابجربه بشوف قد المدح ولالا ! ان شاءالله اسوي عنه ريفيو بعد مااجربه .

سعره : 40 ريال 

من سامرة 

ماسكرا من ماكس فاكتور -clump defy-

اول مانزلت كان فيه مدح عليه بشكل كبير ودورت عنه في سنتر بوينت وقالوا مخلصه ولقيته في سامرة 

واخذته 

ريفيو بسيط عنه : ماسكرا جمييله تفرق الرموش وتعطيها منظر جميل واذا حطيتي اكثر من طبقة تعطيك منظر اجمل واجمل ولاتتكتل 

سعره:60 ريال 

من سامرة

كذا شكل الرموش بعد استعماله  تقريبا كذا 

ونبدأ بمشتريات تخص العناية بالوجه :$ ♥♥..

ماسك العيون 

هو ماسك العيون زي النظارة شكله تقريبا وتحطينه في الثلاجه وتستخدمينه وقريت عنه بانه قبل ماتستخدمينه تحطين قطن على عيونك او كلينكس بالنسبة لي للحين ماجربته لكن اذا جربته راح انزل عنه ريفيو بإذن الله 

من بودي شوب 

سعره : 25 ريال

لصقات تنظيف الرؤس السودءا من بيوريه 

تكلمت عنها هنا

اللي اشتريته انا فيه 8 لصقات 4 منه للانف و4 منه للجبهه والذقن 

من سامرة 

سعره : 30 ريال 

غسول كلين اند كلير الجمييل الحمدلله للحين مستمره عليه مهما غيرت لازم ارجع له جمييل

ريفيو بسيط عنه : غسول جمييل ويعطيك شعور بالانتعاش وينظف كويس جميل للاستعمال اليومي وخالي من الزيوت ينفع للبشرة الدهنيه والمختلطه وريحته جميله ♥♥

وشفت المرطب هذا واخذته برضو من كلين اند كلير 

سعر الغسول  : 27 ريال 

وسعر المرطب: تقريبا 20  ريال 

من سامره 

ماء ميسيلار منظف من لوريال  حطيته عندي في اللسته لانه شفت وحده بالانستقرام حاطه صورته من زمان وتقول انه بديل مزيل بيوديرما وان شاءالله اذا جربته اكتب لكم عنه ♥♥

سعره : 27 ريال 

من سامره 

مزييل  الميك اب من لوريال 

مرتاحه عليه ويزيل بشكل جمييل وخفيف جدا على البشره ثاني مره اشتريه 

سعره : 27 ريال 

من سامره 

واخر شيء اشتريته الاسكينول بالليمون 

مشهور جدا وتكلمت عنه اكثر من مره هنا

والحمدلله خلصنا 

وبس 

ان شاءالله عجبتكم التدوينة ..

لاتنسون تتابعوني على التويتر والانستقرام وتسألوني بالآسك الروابط يمين الصفحة ..

بنات ممكن تدخلو الانستقرام لانه انا وبعض من البلوقرز حطينا مهام او خطط ننفذها ان شاءالله بكل يوم من شهر رمضان ممكن تدخلون وتشاركون معنا صفحتي على الانستقرام تلقونها فوق  :) ♥♥

وشكرا لكل من شجعني ودعمني سواءً اهلي وصديقاتي والناس الجميلة اللي تعرفت عليها ..

شكرا لانكم وصلتوني لـ 57,200

وخليتوني اتحمس واكتب تدوينة .. 

مع السلامة ♥♥